Dimanche 23 décembre 2007
Per info :
Una idèa originala de present per las fèstas :
ofrissetz una carta d’identitat occitana !
Decembre de 2007
Aquesir una carta d’identitat occitana es afortir d’un biais simbolic una identitat non reconeguda oficialament.
Es d’autant mai necite que maites occitans d’origina o d’adopcion sabon totjorn pas que o son.
Dins aquela passa de fèstas, vaquí una idèa segurament originala de present : una carta d’identitat occitana.
Es al meteis temps un acte util que nòstra lenga, lo vector d’aquela identitat, risca a tèrme de s’avalir.
Cal pas comptar sus l’Estat per la manténer e la promòure. Aquò depend de vos.
L’enjòc es tanben nòstre biais de viure que passa per la cosina, los espòrts e plan d’autras singularitats encara, coma nòstre accent.
Ambe la mondializacion que d’un autre costat es un astre, i a un risc d’uniformizacion e de replegament chovinista sus l’apartenéncia a la Republica francesa. La presa en compte d’una identitat,
que siá occitana o autra, es la reconeissença de cadun dins sa particularitat, un marchament indispensable fàcia a la mondializacion.
Aquí dessús s’ensertan los problèmas de l’immigracion e de l’integracion.
Occitània, dempuèi lontemps tèrra de passatge e d’aculhiment, atira per son climat solelhòs e sa doçor de viure los francimands, los ciutadans d’Euròpa del Nòrd, los magrebins, los africans etc.
Tot aquel monde an vocacion a venir occitans.
Vaquí perque, Sénher, Dòna, avètz un ròtle important de jogar en parlant de l’identitat occitana als vòstres, a vòstres amics, a vòstra coneguda, a tot lo monde, en los persuadissent de prene la
carta d’identitat occitana, non pas per mostrar que nos embarram mas al contrari que aculhissèm.
Se volètz anar mai luènh dins l’afortiment de vòstra identitat occitana, escriguetz nos per recebre un exemplar gratuit de nòstra revista Lo Lugarn.
Per recebre una carta d’identitat occitana sufís de nos mandar lo nom d’ostal, lo pichon nom, la data de naissença e l’adreiça del demandaire, acompanhats o non d’una fotò d’identitat en color e
d’un chèc de 11 euròs per carta a l’òrdre de :
Lo Lugarn Éditions
A l’adreiça seguenta:
Joan-Pèire Alari / Jean-Pierre Hilaire
10 carrièra de Romàs / 10 rue de Romas
47000 AGEN
Tel. 05 53 47 64 02
Telefonet : 06 76 47 32 12
jean-pierre.hilaire@wanadoo.fr
Ben coralament
Joan-Pèire Alari, cap redactor de la revista Lo Lugarn
-
Publié dans : occitània
0
-
Recommander
Comunicat de prensa
Lo Partit de la Nacion Occitana per l’amaisament en Corsega
Ivan Colonna ven d’èstre condemnat en primièra instància a la preson a perpetuitat sens que l’acusacion aja establit las pròvas de sa
culpabilitat.
Lo Partit de la Nacion Occitana espera que en apèl Ivan Colonna serà aquitat al benefici del dobte. Aquò contribuïriá a l’amaisament dels esperits en Corsega.
Lo Partit de la Nacion Occitana vòl tornarmai afortir qu’es favorable a l’auto-determinacion de Corsega. Pasmens, malgrat totas las criticas que podèm formular rapòrt a l’Estat
francés, sèm pas dins una dictatura e per consequent res pòt pas justificar de mejans autres que democratics.
Lo Partit de la Nacion Occitana seguirà amb atencion lo procès en apèl. Un aquitament permetriá de restaurar la patz en Corsega e, o esperam, lo dialòg entre l’Estat e totes
los còrses a condicion que l’Estat remeta en talh l’evolucion de l’estatut de l’iscla e que la violéncia siá abandonada.
22 de decembre de 2007
Per lo Partit de la Nacion Occitana
Joan-Pèire Alari
Vice-president
10 carrièra de Romàs
47000 AGEN
Tel. (ostal) 05 53 47 64 02
Telefonet :06 76 47 32 12
jean-pierre.hilaire@wanadoo.fr
LO PARTIT DE LA NACION OCCITANA (P.N.O.) SOSTEN LO MOVEMENT DELS NIGERIANS PER LA JUSTÍCIA (M.N.J.)
Lo Partit de la Nacion Occitana amassat en Comitat nacional a Seta los 17 e 18 de novembre de 2007 comunica :
Dempuèi fébrièr de 2007, lo Nòrd del Niger poblat essencialament de toaregs es dintrat en rebellion. Aquela rebellion animada per lo
Movement dels Nigerians per la Justícia reivindica la justícia per totes los nigerians e una egalitat de tractament per totes los pòbles del Niger.
Lo P.N.O. denoncia fèrmament los actes de barbariá perpetrats per l’armada nigeriana envèrs de civils toaregs. Saluda los sòcis
del M.N.J. regropats a l’entorn de Aghali Ag Alambo e lor porgís son sosten, perque an sabut se mostrar a l’encòp determinats, organizats e senats e soetan de negociacions de patz amb lo govèrn
en plaça.
Lo P.N.O. opausat a l’opression dels pòbles al dintre dels Estats Nacions pensa que la patz deuriá passar per una federalizacion
de l’Estat del Niger. Aquò permetriá una participacion melhora de las populacions divèrsas a la gestion dels territòris e una reparticion melhora de las repercussions economicas.
Per lo P.N.O, lo vice-president
Joan-Pèire Alari
10 carrièra de Romas
47000 AGEN
05 53 47 64 02
06 76 47 32 12
jean-Pierre.hilaire@wanadoo.fr
Mercredi 12 décembre 2007
Vaicì las paraulas "pan occitanas" del <Se Canta> :
Davant de ma fenestra
I a un aucelon
Tota la nuèch canta
canta sa cançon.
Recant :
Se canta, que cante
Canta pas per ieu
Canta per ma mia
Qu'es al luenh de ieu.
Daval dins la plana
I a un pibol traucat
Lo cogul i canta
Benlèu i a nisat.
Al font de l'òrta,
I a un amendier,
Que fai de flors blancas,
Coma de papier.
Aquelas flors blancas,
Faràn d’amelons,
Per emplir las pòchas,
De io e de vos.
Aquelas montanhas
Que tant autas son
M'empachan de veire
Mas amors ont son.
Aquelas montanhas
Lèu s'abaissaran
E mas amoretas
Se raprocharan.
Baissatz vos montanhas
Planas, levatz vos
Per que pòsque veire
Mas amors ont son.
-
Publié dans : occitània
0
-
Recommander
